ជនបរទេសម្នាក់ ជួបគ្រោះថ្នាក់ស្លាប់ពេលបំពេញការងារនៅស្រុកពួក
17-April-2020 | ដោយ ពលមនសិការ
សៀមរាប៖ នាវេលាម៉ោង១៣នឹង៣០នាទី ថ្ងៃទី១៦ ខែមេសា ឆ្នាំ២០២០ នៅចំណុចផ្លូវជាតិលេខ៦ ភូមិទឹកថ្លា សង្កាត់ទឹកវិល ក្រុង/ខេត្ត សៀមរាប មានជនបរទេសម្នាក់បានគ្រោះថ្នាក់ស្លាប់ពេលកំពុងបំពេញការងារ។
លោកវរសេនីយ៍ឯក ទេព ពុំសែន អធិការនៃអធិការដ្ឋាននគរបាលស្រុកពួកបានអោយដឹងថាជនរងគ្រោះ ឈ្មោះ LIU XUEHUA ភេទប្រុស កើតថ្ងៃទី២១-០៥-១៩៧៩ ជនជាតិចិន មុខរបរបុគ្គលិកក្រុមហ៊ុនធ្វើផ្លូវ ប៉ាវដាក់ ស្នាក់នៅភូមិពួកថ្មី ឃុំពួក ស្រុកពួក ខេត្តសៀមរាប។
តាមការសាកសួររបស់សមត្ថកិច្ចទៅឈ្មោះ គឹម បូរី ភេទ ប្រុស ជាអ្នកបកប្រែបានឲ្យដឹងថា ជនរងគ្រោះត្រូវបានគ្រឿងចក្រ(អារឡូ)កិនពីលើក្នុងពេលកំពុងសាងសង់ផ្លូវ ហើយត្រូវបានស្លាប់ពេលកំពុងបញ្ជូនមកសង្គ្រោះនៅមន្ទីរពេទ្យ។
ផ្អែកតាមការ ស្រាវជ្រាវរបស់ សមត្ថកិច្ចជំនាញនិងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការ បានសន្និដ្ឋានថា៖ជនរងគ្រោះស្លាប់ដោយសារ បាក់ឆ្អឹងផាលនិងបែកសរីរាង្គក្នុងពោះ។
បច្ចុប្បន្ន សាកសពត្រូវបានបញ្ជូនទៅតម្កល់ទុកបណ្តោះអាសន្ននៅវត្តទឹកថ្លា រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕
ចំនួនអ្នកទស្សនា
- ថ្ងៃនេះ10781
- ម្សិលមិញ12561
- សប្តាហ៍នេះ38731
- ខែនេះ60611
- ឆ្នាំនេះ60611
- សរុប20503067